Gwybodaeth am yr alwad yma

Y galwad yma am dystiolaeth yw cam cychwynnol adeiladu gallu ar gyfer Seithfed Cynllun Gweithredu Cenedlaethol y DU ar gyfer Llywodraeth Agored (NAP7). Gallwch ddod o hyd i ragor o wybodaeth am y broses gyffredinol drwy ganllawiau cyfranogiad NAP7 (agor mewn tab newydd) a gwybodaeth am yr alwad am dystiolaeth (agor mewn tab newydd). Bydd yn asesu'r potensial i'r llywodraeth, cymdeithas sifil a rhanddeiliaid eraill gyd-greu ymrwymiadau i wella tryloywder, atebolrwydd a chyfranogiad mewn llywodraeth.

Rydym yn gwahodd aelodau unigol o'r cyhoedd, sefydliadau cymdeithas sifil a chyrff eraill i ddarparu syniadau ar feysydd ffocws posibl. Gan y bydd y syniadau a gyflwynir yn cael eu defnyddio'n bennaf i asesu'r potensial ar gyfer cyd-greu yn hytrach na datblygu polisïau unigol, anogir cyflwyniadau byr. Os bydd syniad ar gyfer ymrwymiad yn symud ymlaen i gyd-greu yn dilyn yr alwad am dystiolaeth, efallai y bydd cyfleoedd i ddarparu mewnbwn mwy manwl yn ddiweddarach.

Sut y byddwn yn ymdrin â'ch cyflwyniad

Efallai y byddwn yn rhannu, dadansoddi a chynnwys eich syniadau yng nghanlyniad y galwad am dystiolaeth. Efallai y byddwn yn rhannu eich syniadau gyda thimau perthnasol ar draws llywodraeth y DU, Llywodraethau Datganoledig a llywodraeth leol, lle bo'n briodol. Efallai y byddwn hefyd yn rhannu eich syniadau gyda UK Open Government Civil Society Network (UK OGN) (agor mewn tab newydd) a’r Open Government Partnership (OGP) (agor mewn tab newydd)

Byddwn yn cysylltu â chi'n uniongyrchol os hoffem rannu eich manylion personol gyda thîm arall yn y llywodraeth. Dim ond os byddwch yn rhoi caniatâd i ni wneud hynny y byddwn yn rhannu eich manylion personol gyda UK OGN. Ni fyddwn yn rhannu eich manylion personol gydag OGP.