Gwneud achos dros beidio â ffeilio datganiad gwiriad hunaniaeth

Mae gwneud achos yn golygu dweud wrthym am amgylchiadau eithriadol rydych chi am i ni eu hystyried cyn i ni gymryd camau gorfodi ar gyfer ffeilio’n hwyr.

Gallwch ond ddefnyddio’r ffurflen hon i wneud achos dros beidio â ffeilio:

• datganiad cadarnhau a datganiadau gwiriad hunaniaeth cyfarwyddwyr
• datganiad gwiriad hunaniaeth ar gyfer person sydd â rheolaeth arwyddocaol (PRhA)

Os derbynnir eich achos, byddwn yn oedi cymryd camau gorfodi er mwyn rhoi amser i chi ffeilio.

Am ragor o wybodaeth, darllenwch Dull Tŷ’r Cwmnïau at beidio â chydymffurfio â gwiriad hunaniaeth gorfodol (agor mewn tab newydd).

Pryd i wneud achos

Dylech ond wneud achos ar ôl i chi gael llythyr sy’n eich hysbysu eich bod yn hwyr yn ffeilio (a elwir hefyd yn 'llythyr diofyn')

Rhaid i chi wneud yr achos o fewn 28 diwrnod i ddyddiad y llythyr hwnnw.

Os byddwch yn gwneud yr achos yn rhy gynnar neu’n rhy hwyr, bydd yn cael ei wrthod.

Beth fydd ei angen arnoch

I gwblhau’r ffurflen hon, bydd angen i chi roi:

• eich enw llawn a’ch cyfeiriad e- bost
• enw’r cwmni
• rhif y cwmni
• dyddiad eich llythyr diofyn, os oes gennych
• gwybodaeth am yr amgylchiad eithriadol

Gallwch hefyd lanlwytho hyd at 2 ddarn o dystiolaeth i gefnogi eich cais. Gall darparu tystiolaeth ein helpu i brosesu eich achos yn gyflymach.